Bu gün – 08.10.16 tarixində, 2016-2017 tədris ilinin ilk Hüquq Müzakirə Forumu Kənan Mədətli və Gülnaz Salmanovanın təqdimatında “E-mail yazışmaları məhkəmədə sübut qismində: Azərbaycan və dünya yanaşması” mövzusunda keçirilmişdir. Təqdimatçılar foruma e-mailin anlayışı, müxtəlif sahələrdə işlənmə formalarından danışaraq başladılar. Müzakirənin gedişində e-mailin sübutetmədə rolu, elektron yazışmaların məhkəməyə təqdim olunma formaları və məhkəmədə sübut qismində işlənməsi şərtləri barəsində dünya və Azərbaycan praktikası müzakirə edildi.Sonda E-mail yazışmalarının sübut qismində çıxış etdiyi Tibbets v. RadioShack Corp., 2004 müsabiqə işi barəsində iştirakçılara məlumat verilmişdir. Müzakirədə iştirak edən hər kəsə təşəkkür edir, növbəti forumlarda aktiv iştiraka dəvət edirik.
