20.05.2017 tarixində Bakı Dövlət Universiteti Hüquq fakültəsinin müəllimi Elnur Aslanovun təqdimatında “İnsan alveri və onun təzahür formaları ilə mübarizənin müasir tendensiyası” mövzusunda cari tədris ilinin sonuncu Hüquq Müzakirə Forumu keçirilmişdir!
Forumda insan alverinin anlayışı, müxtəlif növləri, milli qanunvericilikdə insan alveri cinayətinin yeri, ona qarşı beynəlxalq-hüquqi mübarizə və Interpolun bu sahədə fəaliyyəti haqqında məlumat verilmiş, müxtəlif analizlər aparılmışdır. Forumun sonunda insan alverinə qarşı mübarizə sahəsində aparılan əməliyyatları təsvir edən qısa videolar nümayiş etdirilmiş, bu istiqamətdə müxtəlif cinayətlərə görə axtarılan şəxslər haqqında ictimaiyyətə açıq informasiyalar verilmişdir.
Forum boyu aktivlik nümayiş etdirdikləri üçün bütün tələbələrə minnətdarlığımızı bildirir, növbəti tədris ilində yenidən görüşməyi arzu edirik!
