2023/2024-cü tədris ilinin növbəti Hüquq Müzakirə Forumu 24 dekabr 2023-cü il tarixində, saat 15:00-da “Ali Məhkəmə Qərarlarının Milli Qanunvericilik Sistemindəki Yeri: Tarixi İnkişaf və Müasir Yanaşmalar” mövzusunda hüquq üzrə fəlsəfə doktoru, dosent Zaur Əzimovun təqdimatında baş tutmuşdur.
Forumun nəzəri hissəsində:
– Ali Məhkəmənin dövlət hakimiyyəti sistemindəki yeri;
– Ədalət mühakiməsinin həyata keçirilməsində yuxarı instansiya kimi Ali Məhkəmənin rolu;
– “Ali Məhkəmənin qərarları hüququn mənbəyidir” konsepsiyasının lehinə və əleyhinə olan mülahizələr;
– Milli hüquq sistemində Ali Məhkəmənin roluna dair yeni tendensiya və məhkəmələrin müstəqilliyi problemi;
– “De lege lata” qanunvericiliyinin təhlili;
– “De lege ferenda”ya dair mülahizələr və digər məsələlər barəsində məlumat verilmişdir.
Forumun praktiki hissəsində isə qüvvədə olan prosessual qanunvericiliyin praktikadakı tətbiqi ətrafında müzakirələr aparılmışdır.
