2023/2024-cü tədris ilinin növbəti Hüquq Müzakirə Forumu 20 aprel 2024-cü il tarixində, saat 11:00-da “Rəqəmsal Mühitdə Hüquqların Məhdudlaşdırılması: Onlayn Məzmun Moderasiyası” mövzusunda Bakı Dövlət Universitetinin SABAH qrupları Hüquqşünaslıq ixtisası üzrə 2-ci kurs tələbəsi Sezər Allahverdiyevin təqdimatında baş tutmuşdur.
Forumun nəzəri hissəsində:
– Məzmun moderasiyasının anlayışı və əhəmiyyəti;
– Onun müxtəlif qanunvericiliklərdəki tənzimlənməsi;
– Sözügedən prosesin fundamental hüquqlarla əlaqəsi;
– Məzmun moderasiyasında proporsionallıq tələbi və digər əlaqəli məsələlər barədə məlumat verilmişdir.
Forumun praktiki hissəsində isə mövzu ilə əlaqədar məhkəmə işləri ətrafında müzakirələr aparılmışdır.
