14.10.2017 tarixində Bakı Dövlət Universiteti Hüquq fakültəsinin III kurs tələbəsi Nurlan Məmmədlinin təqdimatında “Hüquq Düşüncəsi və Hüquqi Analiz metodları” mövzusunda cari tədris ilinin ikinci Hüquq Müzakirə Forumu keçirilmişdir!
Forum ənənəvi qaydadan fərqli olaraq nəzəriyyə və kazusların növbələşməsi şəraitində keçmişdir. Təqdimatçı hüquq düşüncəsinin komponentləri, hüquqşünas kimi düşünmək, hüquqi əsaslandırma, hüquqi analiz və onun fərqli metodları haqqında iştirakçılara məlumat vermiş, əldə olunan nəzəri biliklər istifadə olunmaqla müxtəlif faktlar təhlil olunmuşdur. Müzakirələr əsnasında Hart, Habermas kimi hüquq alimlərinin fikirləri şərh edilmiş, iştirakçıların mövqeyi dinlənilmiş, Donoghue v. Stevenson [1932], Lucasfilm v. Ainsworth [2011] kimi tanınmış məhkəmə işləri analiz edilmişdir.
Forum boyu aktivlik nümayiş etdirdikləri üçün bütün tələbələrə minnətdarlığımızı bildirir, növbəti forumlarda yenidən görüşməyi arzu edirik!
